អាជ្ញាធរក្រុងប៉ោយប៉ែត ជួសជុលផ្លូវឡើងវិញ បន្ទាប់ពីរងការខូចខាតកាលខែវស្សាកន្លងទៅ

(បន្ទាយមានជ័យ)៖ អាជ្ញាធរក្រុងប៉ោយប៉ែត នៅថ្ងៃទី12 ខែវិច្ឆិកា ឆ្នាំ2021នេះ បានយកគ្រឿងចក្រឈូសឆាយ ជួសជុលផ្លូវ ស្តារឡើងវិញ បន្ទាប់ពីរងការខូចខាតកាលខែវស្សាកន្លងទៅ។ លោក គាត ហ៊ុល អភិបាលក្រុងប៉ោយប៉ែត បានឲ្យដឹងថា ផ្លូវដែលរងការខូចខាតបង្កការលំបាកដល់ប្រជាពលរដ្ធធ្វើដំណើរកាលពីអំឡុងខែវស្សាកន្លងទៅថ្មីៗនេះ ត្រូវបានក្រុមការងារ អភិវឌ្ឍន៍ក្រុង បានសហការ ជាមួយអាជ្ញាធរមូលដ្ឋាន នាំយកគ្រឿងចក្រ ចុះជួសជុលផ្លូវ ស្ដារ ឡើងវិញ ដោយបាន កៀរកិន បង្ហាប់ផ្លូវលំចំនួន2ខ្សែ ស្ថិតក្នុងសង្កាត់ ផ្សាកណ្ដាល ដែលមានប្រវែងសរុប 1,350ម៉ែត្រ ។

ក្នុងនោះ ភូមិអណ្តូងថ្មមាស ប្រវែងសរុប 350 ម៉ែត្រ និង ភូមិទួលពង្រ មានប្រវែង 1,000 ម៉ែត្រ ក្នុងគោលបំណង សម្រួលក្នុងការធ្វើដំណើរបស់បងប្អូនប្រជាពលរដ្ឋក្នុងមូលដ្ឋាន៕