កម្លាំងអាវុធហត្ថឃាត់ក្មេងទំនើង២នាក់ជិះម៉ូតូកាន់កាំបិទខ្វែវ ទុកការពារខ្លួន ខ្លាចក្មេងទំនើង១ក្រុមទៀតកាប់

បន្ទាយមានជ័យ៖ កម្លាំងកងរាជអាវុធហត្ថក្រុងប៉ោយប៉ែត ឃាត់ខ្លួនក្មេងទំនើង២នាក់កាន់កាំបិតខ្វែវ១ដើមការពារខ្លួនខ្លាចក្មេងទំនើង១ក្រុមទៀតដេញកាប់ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី០២ ខែមេសា ឆ្នាំ២០២៥។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖ជនសង្ស័យ២នាក់មាន១.ឈ្មោះ ខ្លម វិចិត្រ ភេទប្រុសអាយុ២០ឆ្នាំ ២.ឈ្មោះ មុំ រ៉ាម៉ៅ ភេទប្រុសអាយុ១៨ឆ្នាំរស់នៅភូមិ.សង្កាត់ផ្សារកណ្តាល ក្រុងប៉ោយប៉ែត។
លោកបានបញ្ជាក់ថា៖ ក្រោយទទួលព័ត៌មានពីអាជ្ញាធរមូលដ្ឋានមានក្មេងទំនើង២នាក់ជិះម៉ូតូ១គ្រឿងដើរលេងកាន់កាំបិតខ្វែវ១ដើមដែលបង្កអសន្តិសុខ និងគ្មានសុវត្ថិភាពក្នុងមូលដ្ឋានទើបកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានចេញអន្តរាគមន៍ឃាត់ខ្លួនបាន២នាក់ និងម៉ូតូ១គ្រឿងកាំបិតខ្វែវ១ដើម ដែលឃាត់កាលពីថ្ងៃទី០១ ខែមេសា ឆ្នាំ២០២៥នៅម្តុំរោងចក្រឌីសស្ថិតភូមិ.សង្កាត់ផ្សារកណ្តាល ក្រុងប៉ោយប៉ែត។
លោកវរសេនីយ៍ត្រី នួន នីណារ៉ូ បានបញ្ជាក់ថា៖ ក្រោយឃាត់ខ្លួនជនសង្ស័យ២នាក់និងវត្ថុតាងកាំបិត១ដើមត្រូវបាននាំយកសាកសួរតាមចម្លើយសារភាពខ្លួនពិតជាបានកាន់កាំបិតខ្វែវ១ដើមពិតមែនដើម្បីការពារខ្លួននៅពេលដើរលេងខ្លាចមានភាគីក្មេងទំនើងក្រុមទៀតស្ទាក់កាប់ ត្រូវសមត្តកិច្ចឃាត់ខ្លួន៕