សមត្ថកិច្ចចាប់គ្រឿងក្នុង និងជើងជ្រូក ខូចគុណភាព១២កេស បង្កប់ក្នុងរថយន្តក្រុង ក្រុមហ៊ុនវរៈប៊ុនថាំ

ខេត្តបន្ទាយមានជ័យ៖ មន្ត្រីជំនាញ បសុព្យាបាលខេត្តបន្ទាយមានជ័យ ធ្វើការបង្ក្រាបនិងទប់ស្កាត់ ការបង្កប់គ្រឿងក្នុង និងជើងជ្រូក ខូចគុណភាព១២កេស បង្កប់ក្នុងរថយន្តក្រុង ក្រុមហ៊ុនវរៈប៊ុនថាំ កាលពីវេលាម៉ោង១៦ និង៤០នាទី នៅក្រុមហ៊ុនវីរៈប៊ុនថាំ ដឹកអ្នកដំណើរ នៅចំណុចមុខផ្សាររ៉ា ស្ថិតនៅក្នុងសង្កាត់ និងក្រុងប៉ោយប៉ែត។

លោកហ៊ុយ ទូច បានឲ្យដឹងថា៖ ក្រោយពីមានការសម្របសម្រួលពី លោកតេង សម័យ ព្រះរាជអាជ្ញាររងអមសាលាដំបូងខេត្តបន្ទាយមានជ័យ លោកបានដឹកនាំ មន្ត្រីជំនាញការរិយាល័យបុសុព្យាបាលខេត្ត ចុះបង្ក្រាបនិងឆែករកឃើញ គ្រឿងក្នុង និងក្រជើងជ្រូក ខូចគុណភាព នាំចូលខុសច្បាប់ ចំនួន១២កេស ដែលក្រុមហ៊ុនរថយន្តក្រុង វីរៈប៊ុនថាំ បំរ៉ុងលួចដឹកទៅឲ្យម៉ូយតាមបណ្តាលខេត្តផ្សេងៗនៅពេលយប់។

លោកបញ្ជាក់ថា ក្នុងនាមលោកជាមន្ត្រីជំនាញ បសុព្យាបាលខេត្ត ត្រូវបំពេញតួនាទី បង្រ្កាបរាល់សាច់សត្វ និង ផលិតផលដែលចេញពីសាច់សត្វ និងគ្មានការវេចខ្ចប់ឲ្យបានត្រឹមត្រូវ របស់ក្រុមឈ្មួញ ដែលតែងតែបង្កប់ក្នុងរទេះ ដឹកចូលមកពីប្រទេសជិតខាង និង ដឹកបន្តតាមរថយន្តក្រុងខាងលើនេះ ទៅចែកចាយតាមបណ្តាខេត្ត ផ្សេងៗ ដោយគ្មានច្បាប់ អនុញ្ញាតិ ពីមន្ត្រីជំនាញ។
ទោះបីជាយ៉ាងណា មហាជននៅមិនទាន់ដឹងនៅឡើយទេថា បទល្មើសសេដ្ឋកិច្ចមួយនេះ តើសមត្ថកិច្ចនិងមានវិធានការយ៉ាងណា ទៅលើក្រុមហ៊ុនវីរៈប៊ុនថាំ និងក្រុមឈ្មួញនោះឡើយ ដែលករណីនេះ ធ្វើឲ្យប៉ះពាល់ដល់សុខភាពមនុស្ស៕