កម្លាំងកងរាជអាវុធហត្ថចាប់ខ្លួនមុខសញ្ញាជួញដូរគ្រឿងញៀនសកម្មនៅក្រុងសិរីសោភ័ណ បញ្ជូនទៅសាលាដំបូងខេត្តបន្ទាយមានជ័យ

បន្ទាយមានជ័យ៖ កម្លាំងកងរាជអាវុធហត្ថចាប់ខ្លួនមុខសញ្ញាជួញដូរគ្រឿងញៀនសកម្មនៅក្រុងសិរីសោភ័ណ បញ្ជូនទៅសាលាដំបូងខេត្តបន្ទាយមានជ័យ 10 ខែកញ្ញា ឆ្នាំ2024 ដើម្បីអនុវត្តតាមនីតិវិធី។
លោក វរសេនីយ៍ត្រី សុខ ឡេង មេបញ្ជាការមូលដ្ឋានកងរាជអាវុធហត្ថក្រុង បានឲ្យដឹងថា ជនសង្ស័យទាំងពីរនាក់់ ត្រូវបានឃាត់ខ្លួនជាបន្តបន្ទាប់ 1-ឈ្មោះ រឿន សុភ័ត្រ្តា ភេទប្រុស អាយុ22ឆ្នាំ ជនជាតិខ្មែរ, 2-ឈ្មោះ អ៊ឹម សុខៀង ភេទប្រុស អាយុ28ឆ្នាំ ជនជាតិខ្មែរ នៅចំណុចភូមិសូភី សង្កាត់កំពង់ស្វាយ ក្រុងសិរីសោភ័ណ (មុខសញ្ញាជួញដូរគ្រឿងញៀនយ៉ាងសកម្មក្នុងក្រុងសិរីសោភ័ណ)។
លោក មេបញ្ជាការ បញ្ជាក់ថា នៅថ្ងៃទី08 ខែកញ្ញា ឆ្នាំ2024 លោកបានដឹកនាំកម្លាំងចុះប្រតិបត្តិការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ក្នុងប្រតិបត្តិការ នោះកម្លាំងមូលដ្ឋានកងរាជអាវុធហត្ថក្រុង ដកហូតវត្ថុតាងរួមមាន៖ គ្រឿងញៀនម៉្សៅក្រាមពណ៌សថ្លាចំនួន 4កូនថង់កិប ទម្ងន់7.75ក្រាម, ម៉ូតូចំនួន 1គ្រឿង ម៉ាក SUSAKI SMASH V ពណ៌ស ផ្លាកលេខ 1G-1567 , ទូរស័ព្ទ ចំនួន1គ្រឿង, ជញ្ជីងសម្រាប់ថ្លឹងគ្រឿងញៀនចំនួន1គ្រឿង, សម្ភារៈសម្រាប់ប្រើប្រាស់ និងវេចខ្ចប់គ្រឿងញៀនមួយចំនួន។

ក្រោយឃាត់ខ្លួន និងសួរនាំរួច ជនសង្ស័យបានឆ្លើយសារភាពថា ពួកខ្លួនពិតជាបានទិញគ្រឿងញៀនមកទុកលក់ផង និងប្រើប្រាស់ខ្លួនឯងផង។ បានចំលើយសារភាពហើយ ជនសង្ស័យនិងមានវត្ថុតាងជាក់ស្តែង កម្លាំងមូលដ្ឋានកងរាជអាវុធហត្ថក្រុងកសាងសំណុំរឿងបញ្ជូនមកកាន់បញ្ជាការដ្ឋានកងរាជអាវុធហត្ថខេត្តកសាងសំណុំរឿងបញ្ជូនបន្តទៅកាន់សាលាដំបូងខេត្តបន្ទាយមានជ័យចាត់ការតាមច្បាប់៕