ទូក “ង” ខ្នាតអន្តរជាតិក្រុងប៉ោយប៉ែត ត្រៀមប្រកួតប្រជែងក្នុងព្រះរាជពិធីបុណ្យអុំទូក

ខេត្តបន្ទាយមានជ័យ៖ ទូក “ង” ខ្នាតអន្តរជាតិតំណាងក្រុងប៉ោយប៉ែត ត្រៀមប្រកួតប្រជែងក្នុងព្រះរាជពិធីបុណ្យអុំទូកឆ្នាំ2024នេះ ដែលរៀបចំដោយរដ្ឋបាលខេត្តបន្ទាយមានជ័យ នៅថ្ងៃទី26 និង27 ខែតុលា ឆ្នាំ2024 នៅលើស្ទឹងទឹកថ្លា ក្រុងសិរីសោភ័ណ ខេត្តបន្ទាយមានជ័យ។

ឯកឧត្តមបណ្ឌិត ប៉ាន់ខែម ប៊ុនថន នាយករងខុទ្ទិកាល័យសម្តេចបវរធិបតី និងជាប្រធានក្រុមការងារចុះជួយមូលដ្ឋានក្រុងប៉ោយប៉ែតបានមានប្រសាសន៍ថា៖ ទូក “ង” ខ្នាតអន្តរជាតិ តំណាងឲ្យក្រុងប៉ោយប៉ែត ដែលមានឈ្មោះ “ ប៉ោយប៉ែតមានជ័យក្រុងក្រៃសីមា”  ដែលរៀបចំឡើងដោយឯកឧត្តមបណ្ឌិតផ្ទាល់ និងក្រុមការងារចុះជួយមូលដ្ឋានក្រុងប៉ោយប៉ែត រួមជាមួយរដ្ឋបាលក្រុងប៉ោយប៉ែត ដែលទូកនេះ អុំដោយក្រុមយុវជនស្រលាញ់សន្តិភាព។

ឯកឧត្តមបណ្ឌិតប៉ាន់ខែម ប៊ុនថន បញ្ជាក់ថា៖ ទូក “ង” ខ្នាតអន្តរជាតិតំណាងឲ្យក្រុងប៉ោយប៉ែត ដែលមានឈ្មោះ “ប៉ោយប៉ែតមានជ័យក្រុងក្រៃសីមា”   នឹងបង្ហាញខ្លួននៅក្នុងពិធីប្រណាំងទូក នៅថ្ងៃទី26និង27 ខែតុលាឆ្នាំ2024នេះ ដែលរៀបចំដោយរដ្ឋបាលខេត្តបន្ទាយមានជ័យ ចាប់ពីឆ្នាំ2024នេះទៅ ទូក “ង” ខ្នាតអន្តរជាតិតំណាងឲ្យក្រុងប៉ោយប៉ែត នឹងចូលរួមប្រណាំងជារៀងរាល់ឆ្នាំ ក្នុងព្រះរាជពិធីបុណ្យអុំទូក៕